عا فلسطين بحلم مَيِّل صبحيّة
دربي ياسمين ومتفيّي بالكوفيّة
لا حواجز ولا حدود
تشرِّد شجر وبيوت
وتِتمارى الشمسِ المِتكيّة عا جناحات الحرية
نهدات الأرض تِرسُم بسمة مشتاقة
لْ نَظرات صغيرة دفياني تحت وراقا
وتُرقُص بالقدس شمُوعْ
تِمْسَحْ أسَى ودمُوعْ
وبسهُول جْرُوحا مِخفية تِسْـرَحْ فرحة مِنْسِيي
***
شدو بعضكم يا اهل فلسطين شدو بعضكم
ما ودعتكم رحلت فلسطين ما
ودعتكم
ع ورق صيني لكتب بالحبر ع
ورق صيني
يا فلسطين على إلى جرالك يا
فلسطين
***
ضلوا عا وعدكم تحموا فلسطين ضلوا عا وعدكم
رح تبقى بعهدكم ديما محروسة رح تبقى بعهدكم
بقلبا تخبيني طول عمرا بلادي بقلبا تخبيني
ديمقراطية مين؟
عم تضحك عا مين؟
مْمَشِّي بلادَك عا دعساتك
والشعب حزين
!
***
الكلمة لِبتُطلَع من تِمَّك
ما بِتصِير تنَين
والوطن مَرهُون بكِلمة وعم
يِغرَق بالدين
عنادَك عم بِطول
وما عِندَك حلُول
عَم تِلعَب بْشارع والع
وبْقدَر مَجهُول
***
مفكِّر حَالك الله اختارك
تا تِحكُم وتسُود
مَوهُوم وعايش بِكِذبِة
وبَلدك عم بِـمُوت
إنت مين بتكون؟
حاقد أو مجنون؟
كَرَّش طموحَك وعَربَش عا
ظهر القانون
***
بتتكبر نافش رِيشاتَك قال
إنك طاووس
وعا عتْبَات الباب العالي
بتِتحول لـ صُوص
بعِلمِي إنتَ البَيك
و"قرارَك لديك"
ولما يُحضَر حاكِم أمرك
بِتْرَخِّي جناحَيك!
***
بَدَّك
... رُوح حِلوي تِمسُك يَدَّك
تداوي ألمَك... تخفّف تعبَك
تِحمُل هَمَّك بِعيُونا
***
حَدَّك...
لما القدر يُوقَف ضُدّك
ولما تصير بغرفِة وَحدَك
عم بِتجَابِه هالكورونا
***
نحنا "دَعمك" بكل الأحوال
حكما.. جهاز تمريضي وعمّال
كنّا، بقينا، وحَنْضَلنا عا طول
سَندَك تا يِرجع يضحك وِجَّك للنُور
***
بَدَّك...
لحظِة دفَى تِملَى قلبك
تخلّي المرض يْبَطّل نَدَّك
تغيّر هالحالي وجنُونا
***
حَدَّك
... منِرسُم أمل يْبَدِّد شكّك
يِتوَهَّج عا دَربِي ودَربَك
تا نِرجع لل بِي حِبُّونا
***
نحنا "دَعمَك" بكل الأحوال
حكما.. جهاز تمريضي وعمَّال
كِنّا، بقينا، وحَنضَلنا عا طول
سَنَدَك تا يِرجَع يضحك وِجَّك للنُور
***
شوية تعصيب
شوية تعصيب.. وتوتر
مع اكتئاب
عم جرِّب كفي بهالبلد
برغم العذاب
قال بلدي انهار.. لك أيا...
أنا المنهار
صرلي سنوات عم بكدح
متل لحمار
والنتيجة شو يا بيي؟
شوف لي صار
فلّس بلدنا وبجهنم حرقتنا النار
شوية تعصيب... وتوتر
وشوية حصار... يا بيي
***
شوية سرقات... ونصبات
واختلاسات
عم جرب أهرب، وللهجرة
ما ملاقي باب
قال عنا وطن.. لك أيا...
باعولنا الوطن
بعجقة صفقات وتجرات
وبسمِّة بدن
والنتيجة شو يا بيي؟
أحلامنا ماتت
وأملنا تفركش وتدعوس تحت الضربات
بشوية تعصيب... وتوتر
هيدا لي صار... يا بيي
***
خبِّي راسك يا شادي
خبِّي راسك يا شادي
مِ مْسلّح طايش
مهووس
معبّى رصاصات
زيادي
ومفلّتها فوق
الروس
بيكفي مرّة بالماضي
ضعت بغنيّة فيروز
رَوِّق كفاها بلادي
من قنديلا الضو ينوص
***
عِرس بأول الشارع
مغطى بكم رشقة رشاش
وعالخط التاني طالع تشييع مولّع جناز
لِقواس شمال ويمين
ونحنا علقنا
بالكمين
خبِّي راسك يا
شادي
وصلّي تا نطلع سالمين
***
طلبوا عصافير الحب مِ السما يوم اجازي
لما نجحوا هالطلاب بآخر عام الدراسي
الحمدالله الله
كريم
مين بدو يحتفل مين
خبي راسك يا شادي
من طخاّت المبتهجين
***
الخطر عم ينمى ويزداد، مشكل كل يوم وتاني
التوتر مالي لبلاد وحال العالم تلفاني
من خلف الشاشة
ناطرين
مين بدو ينمّر عا
مين
خبِّي راسك يا
شادي
بلش خطاب الزعيم
تحية إلى غريغوار
العالم عم يمشي خليفاني
حروب وقتل .. خوف ونار
عا دروب الحلم الإنســاني
بمحبتك منِقوى غريغوار
***
اللبناني بوج اللبناني
مْمَترس ضايع ومحتار
نايم تحت جناح الحاكم
غافي والبلد منهار
كل ما نجرِّب نُطلع خُطوي
بْيِزلـُق فينا هالمهوار
عا درُوب الحلم الإنســاني
بمحبتك منقوى غريغوار
***
أهل بلادي حقُّن طاير
مْصادر بِـ إسم الطوايف
والزُعما صِراعُن داير
عَ ضهر الفقير الخايف
نشرنا حِلمك ضو نهار
وعم نِسبَح عكس التيار
عا دروب الحِلم العَلماني
بمحبتك منقوى غريغوار
***
لما الشمس تغمِّض عينا
وتِتْكَدَّس حولا لِغيُوم
ونُور الشمعة بقلب بلادي
تِخْفِي لَمْعاتُو لهموم
مْنُرسُم أمل مْزيَّنْ غار
ومِنكفِّي بنفس المشوار
عا دروب الحلم الإنساني
بمحبتك منقوى غريغوار
***
ليست هناك تعليقات:
إرسال تعليق